КӨКШЕТАУ. Наурыздың 18-і. ҚазАқпарат /Жанмұрат Жанайдаров/ - Ақмола облысына қарасты Степногор қаласы аумағындағы Ақсу кентіндегі кен қоймасында 1750 келі улы заң зат заңсыз сақталып келгендігі анықталды,

деп хабарлайды ҚазАқпарат тілшісі облыстық ішкі істер департаментінің баспасөз қызметіне сілтеме жасап.

 Қалалық ішкі істер бөлімінің бастығы Ербол Мұқановтың айтуынша, республикалық «Допинг» іс-шарасы барысында жергілікті тұрғынның үйінен жасырылған он келі азот қышқылы анықталып, тәркіленген. Күдікті оны өз қажетіне сақтап отырғандығымен ақталмақ болған. Қазір ҚР ҚК-сінің 265-ші бабы бойынша қылмыстық іс қозғалып, тергеу амалдары жалғастырылуда. Бұған дейін Бестөбе кентіндегі кеніште «Қазақалтын» акционерлік қоғамында заңсыз жұмыс істеп келген жабдық-сараптама зертханасында 30 келі күкірт қышқылы мен 60 келі тұз қышқылы  сақталғандығы белгілі болды.