АСТАНА. Наурыздың 17-сі. ҚазАқпарат /Руслан Ғаббасов/ - Бүгін Астанада «Қазақстан - жел энергетикасы нарығын дамыту бастамасы» БҰҰ ДБ/Жаһандық экологиялық қоры  жобасы аясында семинар өтті,

деп хабарлайды ҚазАқпарат.

Атап айтқанда, семинарда Данияның жел энергетикасы саласындағы жобаларын жүзеге асырып жүрген «Vestas» компаниясының өкілдері өздерінің тәжірибесімен бөлісті. Онда «Vestal Central Europe» компаниясының президенті Ханс Йорн Рикс пен аталған компанияның бастығы Андреас Томас жел энергетикасы аясында Даниядағы енгізіліп жатқан жаңа технологиялар тұрғысында, сондай-ақ бұл саладағы нақты жобаларды жүзеге асыру мүмкіндіктері туралы баяндады.

Айта кетейік, Дания Корольдігі бүгінде жел энергетикасын пайдалануда әлемде алда тұрған мемлекеттердің бірі. Мамандардың айтуынша, бұл салада жаңа технологияларды енгізуді елеулі көлемдегі инвестициялар арқылы ғана ынталандыруға болады.