ҚАРАҒАНДЫ.  Наурыздың   17-сі.  ҚазАқпарат /Валентина Елизарова/ - Қарағанды  облысында,  жайсыз  ауа райының салдарынан,    бүгін,  наурыздың 17-сі күні жол  полициясы    кейбір бағыттағы жолдарды    жауып тастады.

Бұл туралы       облыстық  төтенше жағдайлар департаментінен    хабарлады. 

Атап айтқанда,   «Осакаров-Астана», «Қарағанды-Жезқазған»  тас жолдары   жабылды,   деп нақтылады департаменттен. 

Өткен тәулікте  құтқарушылар     қар құрсауында    қалған   машиналарды  шығарып, көмек көрсетті. Зардап шеккендер жоқ.

Синоптиктердің   мәліметтері бойынша,   облыстың  басым бөлігінде   жауын-шашын, ал   солтүстігінде  -   боран,  екпіні  20-32 метр/секунд аралығында  қатты жел.     Соның салдарынан   жолдарда көктайғақ  болуда.