АСТАНА. Наурыздың   17-сі.  ҚазАқпарат  -    Қазақстан Республикасы Денсаулық сақтау министрлігі   алдын ала мәліметтер  бойынша,  наурыздың 16-сында Павлодардағы № 53 балалар бақшасына баратын  18  баланың    ауруханаға түскенін    хабарлайды. 

Оларға  алдын ала қойылған диагноз  - «Тағамдық токсикологиялық инфекция».

Бүгін,  наурыздың 17-сі күнгі жағдай  бойынша, балалардың жағдайы орташа ауыр,   олардың барлығы  қажетті медициналық көмектер  алуда.

Мемлекеттік санитарлық-эпидемиологиялық қадағалау комитетінің Павлодар облысы бойынша департаментінің мамандары індет ошақта эпидемияға қарсы іс-шаралар жүргізуде.

Балалар бақшаның қызметкерлерінен, сырқаттанған балалардан және сыртқы ортадан зертханалық зерттеулерге сынамалар  алынды. Сондай-ақ  балабақшаның қызметі уақытша тоқтатылды.

Індет ошағында  эпидемияға қарсы іс-шаралар жалғасуда.