Бұл туралы облыс әкімі Бақтықожа Ізмұхамбетовтің төрағалығымен өткізілген Қазақстан халқы облыстық ассамблеясының кезекті отырысында мәлім етілді, деп хабарлайды ҚазАқпарат тілшісі.

Отырыста облыс басшысы  ассамблеяның 15 жыл ішінде еліміздің тұрақтылығы мен тыныштығын сақтауға айрықша үлес қосқан беделді ұйым екендігін атап өтіп, өңірде атқарылып отырған оң істерге тоқталды.

Биылғы мерейтойды жоғары дәрежеде әрі кең ауқымда атап өту үшін облысты мекен еткен ұлттар мен ұлыстардың бір жағадан бас, бір жеңнен қол шығарып жұмыла жұмыстануы қажет екендігіне тоқталған Қазақстан халқы облыстық ассамблеясы төрағасының орынбасары Қуанышбай Төлебаев сәуір айы ұлттық-мәдени бірлестіктер айы деп жарияланатындығын жеткізді. Осыған орай ай бойы этномәдени бірлестіктер түрлі шаралар өткізетін болады.