АСТАНА. Наурыздың 17-сі. ҚазАқпарат  - Наурыздың 16-сы күні  Маңғыстау  облысында   «Нұр Отан»  партиясының    аймақтық филиалы  активінің  шұғыл кеңесі    өтіп,  онда  Қызылағаш  ауылының  тұрғындарына  материалдық көмек  ұйымдастыру  мәселесі   талқыланды.

Облыс әкімінің баспасөз қызметінен   хабарлағандай,    кеңесте    Алматы облысы Ақсу ауданының Қызылағаш  ауылында  болған  су тасқынынан    зардап шеккендерге   материалдық   қайырымдылық көмек көрсету  үшін  арнайы  шот  ашу,     Қызылағашта  10 үй салу,      зардап шеккендерге     жылы киімдер мен азық-түлік  жеткізу  туралы  шешім қабылданды.

Партия  белсенділері   сондай-ақ    біркүндік   жалақыларын      арнайы  шотқа аудару  туралы    шешім қабылдады.     Облыс әкімі аппаратының  қызметкерлері де  осындай шешім қабылдап отыр.