ҚОСТАНАЙ. Наурыздың 15-і. ҚазАқпарат /Петр Плахотников/ - Бүгін Қостанай облысының әкімі Сергей Кулагин халыққа үнеу тастап, су тасқынынынан зардап шеккен Алматы облысындағы Ақсу ауданының тұрғындарына қолдан келген көмегін көрсетуге шақырды. Әкім қостанайлықтарды «отандастарымыздың басына түскен қиыншылыққа үн қосуға» шақырды, олар үй-күйсіз, киімсіз қалып, жеке мүліктерінен айрылды. Қостанай облысының БАҚ-ында зардап шеккендердің банктік есепшоты жарияланды.

Үндеу Мемлекет басшысының наурыздың 12-сінде орталық және атқарушы билік басшылары алдында сөйлеген сөзінен туындайтын міндеттерге байланысты жедел кеңес кезінде жарияланды.

С.Кулагин бірінші кезектегі міндеттер - су тасқынына қарсы шараларды ұйымдастыру, мемлекеттік сатып алуларды дер кезінде өткізу, мектепке дейінгі балаларға білім беру, мектеп оқушыларының жазғы демалысын ұйымдастыру, сондай-ақ инвестициялық жобаларды жүзеге асыру болмақ.

«Аймақтың алдында бұрын бекітілген мектеп құрылыстары, ауруханалар, мәдениет нысандары құрылысы, әлеуметтік мекемелерді жөндеу міндеттері тұр, - деді әкім. - Әсіресе Жеңістің 65 жылдығына арналған шараларды тиісті деңгейде өткізуге тиіспіз».