АСТАНА. Наурыздың 15-і. ҚазАқпарат - Бүгін Астанада ҚР Адам құқықтары жөніндегі уәкілі Асқар Шәкіров БҰҰ-ның Орталық Азиядағы босқындар ісі жөніндегі Жоғарғы комиссары басқармасының аймақтық өкілі /үйлестірушісі/  Сабер Азамды қабылдады,

 деп хабарлады омбудсмен аппаратының баспасөз қызметі.

А.Шәкіров С.Азамды Қазақсандағы босқындар құқықтарын қорғау саласындағы қызметінің басымдықты бағыттарымен, бұл саладағы ұлттық заңнаманы халықаралық станддарттарға жақындастыру үдерісімен таныстырды.

БҰҰ өкілі жоғарыда көрсетілген қызметті оң бағалады, атап айтқанда, Қазақстанда қабылданған «Босқындар туралы» заң осы санаттағы адамдардың құқықтарын қамтамасыз етуге қолайлы серпін береді деп атап өтті.

Кездесу барысында тараптар ұлттық құқық қорғау мекемесінің осы халықаралық ұйыммен ынтымақтастығын нығайтумен байланысты мәселелерді талқылады.