АСТАНА. Наурыздың 12-сі. ҚазАқпарат /Руслан Ғаббасов/ - ҚР Байланыс және ақпарат министрлігінің жаңа басшысы Асқар Жұмағалиев бір аптадан кейін бұқаралық ақпарат құралдарының өкілдерімен кездеспек.

Бұл туралы ол бүгін Ақордада индустриялдық даму мәселесіне қатысты өткен кеңестен кейін айтты, деп хабарлайды ҚазАқпарат.

 «Елбасына маған артып отырған сеніміне алғысымды білдіремін. Атап айтқанда, алдыма қойылып отырған мақсаттарды шешу үшін барлық күшімді және білімімді салуға тырысатын боламын»,-деді министр.

Сондай-ақ ол журналистермен кездесу барысында ақпарат саласында жаңа технологияларды енгізудің мәселелерін талқылауға ниетті екенін жеткізді.