ӨСКЕМЕН.   Наурыздың  12-сі. ҚазАқпарат /Людмила Малько/ -  Шығыс Қазақстанда   тас жолдарды қалың қардың басып    қалуы салдарынан    республикалық  және   облыстық маңыздағы  жолдар   жабылды,

деп   хабарлады төтеше жағдайлар қызметінен. 

Өскемен-Алматы, Қарағанды-Аягөз-Бұғаз,   Өскемен-Зырян,    Таскескен-Үржар-Мақаншы-Бақты,    Зайсан-Боран-Қалжыр-Теректі,   Семей-Қайнар,  Омбы-Майқапшағай   жолдары,   сондай-ақ   облыстық маңыздағы Күршім-Қалжыр  және  Дмитриевка-Бородулиха-Шемонаиха  жолдары  жабылып   отыр. 

Төтенше жағдайлар қызметі  наурыздың 12-сінде өңірде  боран  болатыны  туралы  халықты алдын-ала  ескертті.   Желдің екпіні   қатты,  әсіресе Жарма ауданында     оның  жылдамдығы  28 метр/секундқа   дейін жетіп отыр. 

Таулы аудандарда  қар көшу  қаупі    сақталуда. Бүгін    түстен    Өскемен-Самара  тас жолында  қолдан қар көшіріледі деп жоспарлануда.