ҚАРАҒАНДЫ.  Наурыздың  12-сі. ҚазАқпарат /Валентина Елизарова/ -   Қарағанды облысы Ішкі істер  департаментінің  қылмыстық полиция  басқармасы     сот-медициналық сараптама  орталығы филиалының  директоры Мейрамбек Шәкіровті  өлтіру  қылмысына куә  болғандарға  тергеуге көмектесу туралы өтініш жасады.   

  Бұл туралы  бүгін, наурыздың  12-сі  күні таратылған   үндеуде   айтылып  отыр,  деп   хабарлады  департаменттің бапасөз қызметінен. 

Азаматтардан  осы қылмысқа қатысты  мәліметтермен    бөлісуді өтінген полицейлер, оларға  анонимділікке  және  ақшалай сыйлыққа кепілдік беріп  отыр.   

Әділет министрлігі Сот-медициналық сараптама  орталығының   Қарағанды    аймақтық  ғылыми-  өндірістік   зертханасының  директоры    42 жастағы   М.Шәкіров  наурыздың 4-і күні жұмысқа   кіреберісте  оққа ұшқан  болатын.