ПАВЛОДАР.  Наурыздың  12-сі. ҚазАқпарат /Вера Ливинцова/ -    Қазақстан халқы Ассамблеясының  15 жылдығына арнап өткізілген      павлодарлық  этно-мәдени  орталықтардың   «Жас көшбасшы»   дәстүрлі конкурсында   Беларус   жастар  бірлестігі   бірінші  орынды жеңіп алды. 

Конкурсқа  қатысқан 10 команда   қазақ,  орыс және ағылшын тілдерінен  білім жарыстырды, деп  хабарлады Павлодардың Достық  үйінен.      Олар   сондай-ақ,     Қазақстан  тарихы мен    республиканың атаулы күндерін жақсы  білетіндерін де  көрсетті.    Жолдау жүктеген міндеттерді    жастарға түсіндіру  жөніндегі   іс-шаралар  жобаларының конкурсы  да  тартымды  өтті. 

Ұпай саны  бойынша   конкурста  екінші орынды - татат-башқұрт   орталығының өкілдері иеленсе,  үшінші  орын - корей жастарына бұйырды.