ОРАЛ. Наурыздың 12-сі. ҚазАқпарат /Елжан Ералы/ -  Батыс Қазақстан облыстық ішкі саясат басқармасының бастығы Тілекқабыл Имашевтың төрағалық етуімен саяси клубтың кезекті отырысы болды,

деп хабарлайды ҚазАқпарат тілшісі.

Саяси партиялар, мемлекеттік мекемелер мен үкіметтік емес ұйымдар өкілдері қатысқан жиында «Азат» жалпыұлттық социал-демократиялық партиясы облыстық филиалының «Кедендік одақтың аймақтағы әлеуметтік-экономикалық жағдайға әсері» тақырыбында көтерген мәселелері талқыланды. Отырыста коммуналдық төлемдер мен баға, мемлекеттік тілдің жай-күйі, ұлттық валюта, шағын және орта бизнес, шекаралас облыстардың мемлекеттік органдары және саяси құрылымдарымен Кедендік одақ аясында тәжірибе алмасу, өзара бірлесіп қимылдауға қол жеткізу жөнінде сөз болды.