АСТАНА. Наурыздың 11-і. ҚазАқпарат /Марлан Жиембай/ - Бүгін елордада өткен Қазақстанның ЕҚЫҰ-ға төрағалық мәселелері жөніндегі мемлекеттік комиссияның екінші отырысы барысында Мемлекеттік хатшы - Сыртқы істер министрі Қанат Саудабаев

ЕҚЫҰ-ға мүше мемлекеттер ағымдағы жылы ұйымнан үлкен мүмкіндіктер күтіп отырғандығын атап өтіп, оның Елбасы Н.Назарбаевтың халықаралық қауымдастық алдындағы зор беделінің арқасында екендігін жеткізді.

Екі айдың ішінде шетелдік БАҚ-тарда Қазақстанның ЕҚЫҰ-ға төрағалығына сараптамалық бағалау, болжам жасау сипаттағы жүздеген мақалалар жарияланғандығын атап өткен Қ.Саудабаев аталған жарияланымдардың өрістеуіне қысқаша тоқталды.

Мемлекеттік хатшы - Сыртқы істер министрінің сөзіне қарағанда, жоғарыда аталған мақалалар төмендегідей мазмұнды қамтиды: ЕҚЫҰ-ның төрағасы ретіндегі Қазақстанның алғашқы қадамдары елдің бұл жауапты міндетке тыңғылықты дайындалғанын дәлелдейді; Қазақстан ұйым жұмысына қазірдің өзінде тың серпін берген нақты, анық, сонымен қатар болашағы зор іс-әрекет бағдарламасын ұсынды; Қазақстан Президентінің 2010 жылы ЕҚЫҰ Саммитін өткізу туралы ұсынысы бүкіл ЕҚЫҰ кеңістігін дүр сілкіндірді және Ұйым жұмысына тың серпін ретінде қызу талқылануда; Қазақстан төрағалығы - бұл елдің Еуропаға одан әрі жақындай түсуі үшін қуатты стимул және демократиялық стандарттардың беки түсуі.

«Бұл жайттар барлық мемлекеттік органдардың жүйелі және үйлесімді әрекеттесуін талап етеді және бізге ерекше жауапкершілік жүктейді», деді ол өз сөзінде.