Бірақ ішінара мәселелер, әсіресе Алматыда әлі де болса бар. Бір қуантарлығы, қазір «Қазкоммерцбанк» акционерлік қоғамы қалыптасқан мәселелерді шешуге бел шешіп кірісті. Сондай-ақ Астанадағы «Альянсқұрылысинвест» салып жатқан «Лесная поляна» мен «Инфинити» құрылыс нысандары бар. Онда ақшасын толықтай салған, соған қарамастан проблемалы 5 мыңнан астам үлескерлер бар. Бұл туралы бүгін «Нұр Отан» партиясында өткен Мемлекет қаржысының игерілуін бақылау комиссиясының кезекті отырысында Мәжіліс депутаты Гүлжан Қарақұсова мәлім етті, деп хабарлайды ҚазАқпарат.

Оның дағдарыстан кейінгі елде атқарылған шараларға қатысты қозғаған сөзіне қарағанда, елімізде студенттерге жеңілдіктер негізінде несие беру мәселесі әлі күрделі күйінде қалып отыр. Оған қатысты нақты бір шешім әзірге қабылданған жоқ.

Депутаттың пікірінше, бүгін экономиканың құрылымын өзгертпейінше, оны дамып келе жатқан экономика деп атауға болмайды.