Олардың міндеттері  -   ауыл тұрғындарының ең  өзекті  проблемаларын анықтау.  Облыстық денсаулық сақтау басқармасының бастығы   Жұмағали  Исмаилов бастаған осындай  жұмыс  топтарының   бірі Сайрам ауданында  болып,   жергілікті  медициналық мекемелердің жұмыстарымен   танысты. 

 Инспекцияның  қорытындысы  аудандық активтің   жиналысында   шығарылып,  онда Жұмағали  Исмаилов       бірқатар    күрделі проблемалардың бетін ашты.   Атап айтқанда,   1900 онкологиялық     науқасқа        ауданда небәрі екі  маман ғана    қызмет көрсетеді.     Жедел жәрдем  қызметінде  де адамдар азшылық - штатта   14 адам  жетіспейді.      Жалпы алғанда,   қызметтердің  жұмысқа дайындықтары небәрі 42 пайызға  бағаланып  отыр.  «Міне  осы жерде сөзсіз    бюджет тарапынан   қолдау керек»,  деп  атап көрсетті басқарма   бастығы өз сөзінде. 

 Өткен жылы  аймақта сондай-ақ  «А» гепатитімен  ауыру  көрсеткіші өскен.     Онымен қоймай,   Ақсукенттегі  аудандық  аурухананы  күрделі  жөндеу   кезінде     инфекциялық бөлім    назардан тыс қалған.      Ал инфекциялық  бөлім   жөндеу  жұмыстарына да,  қайта жарақтандыруға да аса мұқтаж.   Бірқатар ауылдардың  да  санитарлық жағдайлары сын көтермейді,     дәрігерлердің  пікірінше,  бұл     жергілікті әкімдердің   кінәлары. 

 Облыстық   басқарма бастығы     сонымен бірге, ағымдағы  жылға бес    нысанға күрделі  жөндеу жұмыстары,   бірнеше ауылда фельдшерлік-амбулаторлық  қосын  құрылысының жоспарланғанын  хабарлады.