АСТАНА.  Наурыздың    11-і.  ҚазАқпарат -  «Medialife»  қоғамдық   қоры  мен    елордалық  «Таңат»   журналистер клубы    ҚР Сыртқы  істер министрлігінің,   Астанадағы ЕҚЫҰ  Қорының  және    Ф.Эберт атындағы   қордың  Қазақстандағы өкілдігінің   қолдауымен   журналистер үшін  «Қазақстан-2010  жылы ЕҚЫҰ төрағасы»     деген тақырыпта  конкурс  жариялап отыр. 

Қазылар  алқасы  конкурстық  іріктеудің  нәтижесінде    мына аталымдар бойынша  үздік  жарияланымдар мен сюжеттерді  анықтайды:

1) Қазақстанның   2010 жылы ЕҚЫҰ-ға төрағалығы - жолдың басы  және нәтижелер;

2)   Қазақстанның төрағалығы  кезеңіндегі  ЕҚЫҰ кеңістігі:  ағымдағы жағдай  және  перспективалар;

3) Мемлекеттердің ынтымақтастығын нығайту  - әлемдегі   орнықтылық  пен қауіпсіздіктің кепілі;

4) Демократияландыру -   даму мен гүлденуге жол.

Конкурсқа  қатысатын  жұмыстарды комиссия   2010 жылдың   желтоқсан  айының 5-іне дейін қабылдайды.   Оған  қатысу   үшін      жұмыстың  түпнұсқасы  немесе   көшірмесі (2010 жылы   қаңтардың 1-і мен  желтоқсанның 5-і аралығында жасалған қазақ/орыс тілдеріндегі    жарияланымдар  мен   бейнесюжеттер)  «Medialife»  қоғамдық қорына  жолдануы керек,   қордың   мекен-жайы:  100008 Қазақстан,  Қарағанды қаласы, Бұқар  жырау   даңғылы, 49, 303-ші кабинет.