АҚТӨБЕ. Наурыздың  11-і. ҚазАқпарат /Самал  Ендібаева/  -  Ақтөбе  облыстық аңшылар  және балық аулаушылар қоғамының бұрынғы    төрағасы  браконьерлігі  үшін кінәлі  деп танылды, 

деп хабарлады     облыстық соттың баспасөз қызметінен.

Сәрсенбі,  наурыздың  10-ы  күні Байғанин  аудандық  соты үкім  шығарып,   оны  3 жылға  жалпы режимдегі колонияға кесті.    Сот үкімі   әлі күшіне енген жоқ  және  сотталушы   15 күннің ішінде     оған  наразылық білдіріп,  шағымдана  алады. 

Іс материалдарына   сүйенсек,  сотталушы    2009 жылы желтоқсанның 5-інде,   жабайы  аңдарды аулайтын орындарды  және  аңшылықтың  ережелерін   біле тұра,    өз  таныстарына   қасақана  адастырып,   олармен   бірге   Жаңажол  селолық  округінің аумағында  орналасқан    аңшылық  алқаптардың  резервтік   қорының   аумағында      заңсыз  аң аулаған. 

Экс-төраға  таныстарымен  бірге  10 жабайы  қабан  атып алған,      нәтижесінде мемлекетке  2,59 миллион  теңге соманың  материалдық шығыны  келтірілген.