ПАВЛОДАР. Наурыздың  11-і. ҚазАқпарат /Вера Ливинцова/ -    Бұқар жырау атындағы     облыстық  әдебиет және  өнер мұражайында    павлодарлық майдангер-жауынгерлердің туындыларының көрмесі  ұйымдастырылды. 

Лебяжі  ауданында туған Всеволод   Ивановтың  шығармашылығына арналған    экспозицияға әскери очерктер   мен   суреттемелер қойылып  отыр.     Әскери тілші  болған    танымал  жазушы      кеңес әскерлерімен  бірге  батысқа   дейін жеткен.  Ол       нацистердің  қылмыстарын  айыптаған  Нюрнберг  процесі  туралы  жазған тілшілердің бірі   болды.

«Павлодарлықтар    жерлестері Қалмұқан  Исабаевтың   да әдеби шығармашылығымен   жақсы  таныс.  Соғыстан кейін   ол   Германияның  шағын  бір қаласында   комендант  болып  қызмет еткен,   ол жерде  бейбітшілік  тіршілікті  қалпына келтіруге  көмектескен және   немістерді  туған   елі - Қазақстанның  мәдениетімен  таныстырған.  Өмірінің осы  бір кезеңін  жазушы    өз  кітабында    жазған.    Және     жазушының  бастамашылығымен      Берлиндегі   көшелердің біріне    Абай   Құнанбаевтың  есімі  берілген»,  дейді     мұражай  директоры Роза Игібаева.