АСТАНА.  Наурыздың 10-ы.  ҚазАқпарат  -   Жамбыл облысындағы    қазақ-түрік  лицейінің  11-ші сынып оқушысы    Темірлан   Сейдахметов     физикадан    Бүкілресейлік   интернет-олимпиаданың   абсолюттік    көшбасшысы атанып  отыр.  

Бұл туралы ҚазАқпаратқа   «Дарын»  республикалық  ғылыми-тәжірибелік  орталығынан   хабарлады.

 Орталықтан     хабарлағандай,   интернет-олимпиаданы    жыл  сайын  Санкт-Петербор мемлекеттік  университеті мен  Санкт-Петербор мемлекеттік  ақпараттық  технологиялар, механика және оптика университеті  ұйымдастырады.   Олимпиада тапсырмалары әртүрлі  деңгейде   болып  келеді.

 «Биылғы Олимпиадаға  10 мыңдай адам қатысқан,  олардың әрқайсысы    дерлік    кейбір тапсырмаларды  орындай алған  - әсіресе  тестілік     сынақтар мен      әр модельдегі  тапсырмалардың  алғашқы бөлімдерін.    Бірақ  та     өте күрделі  тапсырмалар      болған», - дейді «Дарындағылар».

 Биылғы   жарыста    ол  есептерді  қатысқан  10 мың адамның   ішінен  3-5 адам ғана     шығара алған.  Біздің Т.Сейдахметов    сол     білімділердің ішінде бірінші  орында  тұр.      Ол   жарысқа Қазақстанның атынан  1-ші және 2-ші    турларға  100  оқушы қатысқан болатын.    Бұл олимпиаданың басқа   білім жарыстарынан айырмашылығы,  ол  виртуальды негізде  өтеді.    Ал     Олимпиаданың     үшінші  кезеңі  наурыздың 27-сінде  болады.