АСТАНА.  Наурыздың  10-ы.  ҚазАқпарат  -  Ағымдағы  жылы Нобельдік    Бейбітшілік  сыйлығына   кандидаттардың  рекордтық  саны ұсынылып  отыр. «Ұсынылғандардың  қорытынды саны   237 адамды  және   38 ұйымды құрайды. 

   Бұл    бұрын-соңғы болмаған рекордтық көрсеткіш»,  деп  мәлім етті    Ослодағы Нобель  институтының   басшысы  Гир Лундестад.

 Былтыр,  осынау    награда    АҚШ Президенті Барак Обамаға бұйырған  кезде,     Нобельдік комитеттің  мүшелері  лауреатты    205 адам  мен  ұйымның тізімінен   таңдаған    болатын. 

 Биылғы   лауреаттың  есімі    қазан  айының басында  жария етіледі  де, ал награданы  табыс ету рәсімі Ослода   желтоқсанның  10-ы күні өтеді,  деп хабарлайды   «Маяк»  радиосы.