ШЫМКЕНТ. Наурыздың 10-ы.   ҚазАқпарат /Татьяна Пылаева/ -    Оңтүстік Қазақстан   облысының  әкімі   Асқар  Мырзахметов  бүгін        жастармен  кездесу  өткізді.   Жастар белсенділерімен     ең өзекті   мәселелерді  талқылауға арналған бұл басқосуға   аймақ  басшысының  өзі  ұйытқы болды. 

Өзекті  мәселелер аз  болмай  шықты.  Жастар      облыста Жастар сарайының  жоқ екенін  айтты,  спорттық   құрылымдардың  жетіспейтінін, бар нысандардың  өзіне   жастардың   қолдары жетпей  отырғанын,     жастар бағдарламасына қаржының аз бөлінетінін    айтты.    Ал      облыста   30 жасқа дейінгі, яғни  «жастар» санатына  жататын   700 мыңнан астам  адам   тұрады.

А.Мырзахметов,   қазір осы мәселелермен айналысып   жатқанын    хабарлады.    Бірінші кезекте,  ол    ішкі  саясат басқармасының жанындағы жастар    орталығын  қайта  құрды.   «Орталық бұрынғыдан да тиімдірек     жұмыс істейтін   болады.   Ол  сіздердің    көптеген мәселелеріңізді,   оның ішінде  кадрлық,  ұйымдастырушылық   мәселелерді  шеше алады», - деді А.Мырзахметов  өз сөзінде.  

Әкім сондай-ақ,    жастарды ауылға  тарту  үшін   бюджеттен  қаржы  бөлініп  отырғанын  еске салды.  «Оңтүстікте  халықтың  50 пайыздан  астамы -  ауыл тұрғындары.   Кәсіби кадрлар барлық  жерде керек.     Жас мамандарға   баспанамен  және  әлеуметтік  мәселелерді шешумен  көмектесетін боламыз», - деді  А.Мырзахметов, 

Жастар өз  кезектерінде  ашық әңгіме үшін әкімдікке       алғыс айтты -  көптеген мәселелер  бірлесіп шешілуде.  «Атап  айтқанда,  облыста   тек   оқу озаттары мен  белсенділер енгізілген     ортақ база  құрылуда.   Сол    базаға   енгізілген     адамдардың 383-ін   біз  әкімдіктің көмегімен   жұмысқа   орналастырдық», - дейді   «Ауыл жастары»  республикалық қозғалысының  өкілі Дамир  Жүнісов.