ПАВЛОДАР ОБЛЫСЫ. Наурыздың 10-ы. ҚазАқпарат /Вера Ливинцова/ - Павлодар облысында бұдан алты жыл бұрын құрылған несиелік серіктестіктер аграрлық шаруашылықтар үшін сенімді әріптестерге айналды. «Ауылдық банктердің» арзан несиелері шаруа қожалықтарының жаңа техника, асыл тұқымды мал және өнімдерді ұқсататын жабдықтар сатып алуына көмектесуде.

Ертіс ауданы әкімдігінен хабарлағанындай, «Ертіс» ауылдық несие серіктестігінің несие қоржыны 200 млн. теңгеден асады. Шаруаларға заемдар жылдық сегіз пайыздық өсіммен беріледі, бұл - облыстағы ең төменгі мөлшерлеме.

«Нұр» шаруа қожалығы несиені пайдалана отырып, 3 млн. теңгеден астам қаржыға жабдықтар сатып алды. Ал «Три К» шаруашылығы 14 млн. теңге тұратын немістің астық комбайнына ие болды. Ал «Ақтайлақ» шаруа қожалығы екі млн. теңгеге бұзаулар сатып алды.

«Ертіс» ауылдық несие серіктестігінің тиімді несиелері ауыл еңбеккерлерінің заемды белсене пайдалана отырып, өндірісті кеңейтулеріне мүмкіндік беруде.