КӨКШЕТАУ. Наурыздың 9-ы. ҚазАқпарат /Жанмұрат Жанайдаров/ - Ақмола облысындағы «Степногор подшипник зауыты» акционерлік қоғамында жыл басынан бергі өндірілген өнім көлемі өткен жылдың сәйкес мерзімімен салыстырғанда он есеге артып отыр,

 деп хабарлайды ҚазАқпарат тілшісі.

Осы уақыт аралығында негізгі тұтынушылары - Ресей мен Қазақстанның теміржолшыларына  көмір, химия және қағаз өндірісіне қажетті 588 миллион теңгенің тауарлы өнімі жөнелтілген. Еуропалық подшипник корпорациясы құрамындағы қоғам қосымша тапсырыстар алып, соны орындауда абыройлы істер атқарып келеді. Бүгінде зауытта 12, ал соңғы жылдары Еуропалық Одаққа ену арқылы 154 түрлі өнім игерілген. Нәтижесінде Еуропалық кәсіпорындармен және Мәскеу, Волжск подшипник зауыттарымен серіктес ретінде озық технологияны кеңінен меңгеру мүмкіндігіне ие болған.