Соның салдарынан 4 адам мерт болды, алты адам - әртүрлі дене жарақаттарын алды.

Бұл туралы Қостанай облысы ІІД өткізген брифингіде айтылды. ІІД басқарма бастығы Елена Кашарина ұсынған ақпарат бойынша, наурыздың 5-інде түнде Қостанай-Жітіқара күрежолында екі жүк машинасы соқтығысып, екеуінің жүргізушілері де оқиға орнында жан тапсырды. Солтүстікқазақстандық машинаның жолаушысы ауруханаға жеткізілді.

Наурыздың сегізінде Қостанай облысында ВАЗ-2107 және «Фольксваген-Пассат» машиналары тоқтығысты, «Жигулидің» жүргізушісі машинаны кафе-клубтың қасына қоймақшы болып шегініп келе жатқанда, инормаркаға қатты соқтығысып, кейін серпіліп, ағашқы соғылды. Апат орнында «Жигулидің» жүргізушісі мен жолаушысы мерт болды. «Фольскваген» машинасының жүргізушісі мен жолаушысы аман. Жол-көлік оқиғасының материалдары тергеу орындарына жіберілді.

Е.Кашаринаның айтуынша, Қостанай облысында жыл басынан бері 65 жол-көлік оқиғасы тіркеліп, 6 адам мерт болды, 79 адам жараланды.