«Тараз» футбол клубының спорттық директоры Нұркен Мазбаевтың   ҚазАқпарат тілшісіне  хабарлауынша,     команданың бұрынғы жаттықтырушысы  Владимир   Фомичевтің    келісімшарт  мерзімі  бітті,   ал  клуб    шартты     ұзартпау  туралы    шешім қабылдап  отыр.

Н.Мазбаевтың айтуынша,     сондай-ақ,    орталық қорғаушының    позициясында ойнаған Илья Фомичевпен   (жаттықтырушы   В.Фомичевтің  ұлы) де   келісімшарт ұзартылмаған.  Өткен  маусымда    жанкүйерлердің   көзайымы болған  камерундық  Эссомба да   тараздық командада     болмайтын сыңайлы.

«Қазіргі таңда «Тараз»  ойыншылары  Антальяда   кезекті  жаттығу  жиынын  өткізуде.    Клуб қазір    бірнеше перспективалы ойыншыға  «құда түсуде». Оған  қоса  клуб басшылығы   жаңа тәлімгер  де іздестіруде,  себебі  чемпионаттың басталуына    бір айдай  уақыт қалды»,  деп  хабарлады  клубтың спорттық директоры.