ЖАМБЫЛ ОБЛЫСЫ.  Наурыздың  9-ы. ҚазАқпарат /Галина Скрипник/ - Жамбыл  облысындағы  жанар-жағармай   жеткізілімінің жағдайы   алаңдаушылық туғызбайды және   бұл мәселе    облыс әкімі  Қанат Бозымбаевтың  тұрақты  бақылауында. 

Бұл туралы  ҚазАқпарат    тілшісіне   облыстық   энергетика    және коммуналдық шаруашылық  басқармасының бастығы Ерік Көшербаев   хабарлады.

«Облыс  басшылығының  арқасында   жанар-жағармай  жеткізілімінің  төңірегіндегі   мәселе   тұрақты.   Аймақтың бензинге  деген  күндік  сұранысы  -  740 тоннаны,  дизель отынына  - 530  тоннаны құрайды»,  деді Е.Көшербаев   өз сөзінде.

«Наурыз айында     облысқа   АИ-80 маркалы   10 мың тонна бензин,  АИ-92 маркалы 12 мың тонна бензин,  сондай-ақ  14,5 мың тонна дизель отыны  жеткізілді.  Оған  қоса,  тағы 3,5 мың тонна  отын  - ауыл шаруашылығы субъектілеріне жеткізілді», - деді     басқарма бастығы.   Е.Көшербаев  «аймақта   бензиннің  қымбаттауына  ешқандай алғышарт  жоқ» екенін атап көрсетті.