ҚЫЗЫЛОРДА. Наурыздың 8-і. ҚазАқпарат /Руслан Игілік/ - Облыс әкімі Болатбек Қуандықов облыстық ішкі істер департаментінің бастығы Әлімхан Әбжановпен кездесті, 

деп хабарлайды ҚазАқпарат тілшісі.

Кездесу барысында Ә.Әбжанов аймақта қоғамдық қауіпсіз­діктің сақталуы және департамент тарапынан 2009 жылы атқарылған жұмыстар мен алда тұрған міндеттер туралы хабарлады. 

Облыс әкімі департамент басшысына қоғамдық орындарда қылмыстың алдын алу бағытындағы шараларды кешенді түрде қа­растырып, бұл жұмысты Қызылорда қаласындағы №5547 ішкі әс­кер бөлімімен бірлесіп одан әрі жандандыру қажеттігін мін­деттеді. Сондай-ақ Қызылорда қаласы, аудандар әкімдерімен бір­лесе отырып, учаскелік полиция қызметкерлерін ғимаратпен қам­тамасыз етуге, қоғамдық орындарда қылмыстылықты азайту мақ­сатында аулаларды жарықтандыру мәселесін шешуді тапсырды.

Аймақ басшысы сонымен қатар қылмысты ашу барысында көмек көрсеткендерге қаржылай сыйақының көлемін арттыру және түзету колонияларында жазасын өтеп шыққан азаматтарды қоғамға бейімдеу мақсатында қайта даярлау курстарынан өткізу шараларын қолға алу қажеттігіне тоқталды.