ҚЫЗЫЛОРДА. Наурыздың 8-і. ҚазАқпарат /Руслан Игілік/ - блыстық телекоммуникациялар дирекция­сының ғимаратында желілік басқару орталығы ашылды,

деп хабарлайды ҚазАқпарат тілшісі.

Бұл орталық жергілікті желілік телекоммуникация қызметінің жағдайы мен басқару жұмыстарын бақылап отыруға мүмкіндік береді.

Еліміздегі телекоммуникация саласының сапалы дамуы жолындағы мәселелерді шешу - желілік басқаруды жетілдірудің тиімді факторы болып есептеледі. Басқару үдерісі үздіксіз мониторинг, болжамдау, жоспарлау, жұмысты ұйымдастыру, апаттық дабыл кезінде шұғыл түрде дұрыс шешім қабылдау тәрізді қызметтерді атқарады.

Орталықтың ашылу салтанатында облыс әкімінің орынбасары Мархабат Жайымбетов, «Қазақтелеком» акционерлік қоғамының қаржылық директоры Арнұр Нұрқатов, облыстық мәслихат хатшысы Нұрлан Құдай­бергенов құттықтау лебіздерін білдірді.