ШЫМКЕНТ. Наурыздың  6-сы.   ҚазАқпарат  /Татьяна Пылаева/ -     Облыстық бюджет есебінен   2010   жылы Оңтүстік Қазақстан  облысында   45  мектеп  салынады.   Бірінші  кезекте апатты жағдайда  тұрған  білім  ошақтарының  орнына мектептер  салынатын  болады -   бүгінде  таңда  облыста    мұндай  жағдайда тұрған  62   мектеп бар,

деп хабарлады облыстық білім басқармасынан. 

Оған  қоса,  жаңа мектептердің  құрылысы    үш ауысымда жұмыс істеуге мәжбүр болып отырған  29 мектептің  проблемасын  да  толық шешуге мүмкіндік береді. 

Оған қоса,   Елбасының  тапсырмасы  бойынша  2010  жылы 7 мың  орындық  118 балабақша     ашу жоспарлануда.    Нәтижесінде,    балаларды мектепке  дейінгі дайындықпен  қамту көрсеткіші 18 пайызды құрайтын  болады.  Сонымен  бірге 2010   жылы  республикалық бюджет есебінен 4,2 мың  орындық   13 балабақшаның құрылысын  салу   жоспарлануда.