АЛМАТЫ. Наурыздың 5-і. ҚазАқпарат /Нәзира Елеухан/ - Ортаазиялық аймақтық экономикалық әріптестік тасымалдаушылар және экспедиторлар  федерациясын енді Қазақстан басқарады,

деп хабарлайды ҚазАқпарат Қазақстан ұлттық экспедиторлар  қауымдастығының баспасөз қызметіне сілтеме жасап.

Бұл шешім Алматыда наурыз айының 1-і күні өткен Ортаазиялық аймақтық экономикалық әріптестік тасымалдаушылар және экспедиторлар  федерациясының  мәжілісінде қабылданды. Отырыс барысында федерацияның жарғысы мен тәртібі бекітіліп, төраға, вице-төраға, хатшы таңдалды. Басқарманың толық құрамы анықталып, оған сегіз ел әр аймақтарының бір-бір өкілдері кірді.

Көпшілік дауыспен ҚР ұлттық экспедиторлар қауымдастығының және  Қазақстандық вагондарды тасымалдаушылар және операторлар қауымдастығы федерациясының төрағасы болып  экономика ғылымдарының докторы Нығметжан Есенғарин сайланды.