АТЫРАУ. Наурыздың 4-і. ҚазАқпарат /Андрей Соколов/ - Атырау облысы прокуратурасының қызметкерлері полицейлермен бірлесе отырып, 18 ойын автоматтары жұмыс істеп тұрған жасырын орынды анықтады,

деп хабарлады Атырау облыстық прокуратурасының баспасөз хатшысы Светлана Жұмашева.

Оның айтуынша, ойын залы қаланың ортасында болған. Прокуратура қызметкерлері мен полицейлер кірген сәтте онда оператор мен кассирден басқа 6 ойыншы болған. Кассадан 265 мың теңге тәркіленді. Қазір осы факті бойынша құмар ойындарды ұйымдастырғаны үшін қылмыстық іс қозғау мәселесі шешілуде.