АҚТӨБЕ.  Наурыздың  2-сі.  ҚазАқпарат /Самал  Ендібаева/  -   Ақтөбе  облысының  жол  полициясы  инспекторлары     көктемгі мереке  қарсаңында   жүргізуші   қыз-келіншектерге   жеңілдіктер  жасауда.  

 Ақтөбеде  наурыздың 8-іне  дейін  «Рульдегі  қыз-келіншектер»   акциясы  жүреді. 

Бүгін    таңертеңнен     жол  полициясының емтихан сыныбында     теория  бойынша тек      бойжеткендер  емтихан тапсырды.   Емтиханның  қорытындысы  бойынша   ең  көп   ұпай  жинаған   үш  қыз-келіншекке    жол полициясы  басшылығының атынан  гүл шоқтары     табыс етілді. 

«Соңғы уақытта  облыс   жолдарында жүргізуші   қыз-келіншектер көбейіп келеді,   Оқу  курстарында  да   олардың саны жыл  сайын арта түсуде»,  дейді       облыстық жол  полициясы басқармасының тіркеу-емтихан  қабылдау  бөлімі бастығының  орынбасары  Құрахмет    Төкешев.

Жол  полициясы  қызметкерлері акция аясында      жүргізуші қыз-келіншектерге       жолдарда  орын  алуы ықтимал   күрделі  жағдайлар  мен  олардан   шығудың жолдары  туралы    жадынамалар   таратуда.

«Бұл шара      оларға  жолдардағы   күтпеген жағдайларға әзір болуға  көмектеседі.    Кез-келген  тығырықтан    тез  шығу    -     автокөлікті  қауіпсіз  басқарудың кепілі»,  дейді   Қ.Төкешев.