АТЫРАУ.  Ақпанның  26-сы. ҚазАқпарат /Андрей Соколов/ -  Атырау  облысында  «Мигрант»  операциясының барысында   көші-қон   полициясының  қызметкерлері 275 шетелдікті   әкімшілік жауапкершілікке  тартты. 

Атырау  облысы   Ішкі істер  департаментінің баспасөз   хатшысы Гүлнәзира  Мқхтарованың  хабарлауынша,   шетелдіктер негізінен   біздің елімізде  жүріп-тұрудың мерзімдерін  бұзған немесе      тіркеу  құжаттарында көрсетілгеннен басқа  жерлерде тұрып  келген. 

 «Сот шешімімен 132  шетелдік азамат Қазақстанның аумағынан шығарылды,      тұлғаларын анықтау мақсатында  6 адам    уақытша    жайғастыру   орталығына      орналастырылды.       Сондай-ақ,  шетелдік жұмыс күштерін     тарту  және   пайдалану кезінде   көші-қон заңнамасын  бұзуға   жол берген   12     заңды тұлға жауапқа тартылды»,  деп хабарлады  Г.Мұхтарова.