деп хабарлайды ҚазАқпарат.

         "Тәуелсіздік жылдары біз 900 қазақ мектебін аштық. Жыл сайын ашылатын мектептің 70 пайызы қазақ тілінде болып жатыр. Тілді дамытуға 2005 жылы 150 миллион  теңге жұмсасақ,   былтыр 5 миллиард  теңге қаржы жұмсалды.  Жалпы бағыттың өзі дұрыс келе жатыр деп санаймын. Әрине, бұның бәріне уақыт керек, шыдамдылық керек. Мемлекеттік тілдің артықшылығына ешкім таласа алмайды. Түбінде барша қазақстандықтар осы тілге көшетін болады. Өзге өркениетті елдерде тілдің мәртебесі қандай болса, бізде де сондай болады. Мен де орыстар, түріктер және тағы басқалар сияқты бір-ақ тілде сөйлегім келеді. Бірақ, бүкіл халық сайлаған Президент болғаннан кейін  ішкі жағдайымызды ойламауға болмайды",  деді ҚР Президенті Нұрсұлтан Назарбаев.   Тәуелсіздіктің тұғыры - елдің алыстағы болашағы екенін тілге тиек еткен Елбасы тәуелсіздікті нығайтып, экономикамызды көтеріп,   абыройымыз көтеріле берсе басқа мәселе өзінен-өзі шешілетінін жеткізді. Сондай-ақ жас ұрпақ мектеп бітіргенде үш тілді болсын деп айтқан себебін түсіндірді.  Орыс тілінен  ажырап кеткен Түрікменстан сияқты елдердің орыс тіліне   қайтадан оралып  жатқанын,  Малайзияның  тәуелсіздік алған кезде ағылшын тілінен ажырап  өз тілімізде сөйлейміз дегенімен  5 жылдан кейін мектептерді  қайтадан ағылшын тіліне көшіргенін айтты. Сондай-ақ үнді мемлекеті де ағылшынның боданынан босаған кезде ағылшын тілін алып тастаймыз деп қаулы қабылдап, алайда 5 жылдан кейін 1 миллиард үнді жаппай ағылшын тіліне қайтып келгенін және Сингапурде де  осындай  жағдай  болғанын еске салды. Жаһандану кезінде ешбір ел бір ғана тілмен ешқайда шыға алмайтынын нақты мысалдармен  айтты.