КӨКШЕТАУ. Қарашаның 13-і. ҚазАқпарат /Жанмұрат Жанайдаров/ - Бүгін Көкшетауда банк жүйесі қызметкерлері мен жұртшылықтың қатысуымен Төл теңге мерекесі атап өтілді,

деп хабарлайды ҚазАқпарат тілшісі облыс әкімінің баспасөз қызметіне сілтеме жасап.

 ҚР Ұлттық банкінің Ақмола облыстық филиалының директоры Асылхан Оспановтың айтуынша, өңірдің қаржы жүйесі облыстың әлеуметтік-экономикалық дамуын қамтамасыз етуге елеулі үлес қосуда. Тек ағымдағы жылдың тоғыз айында аймақ экономикасына 73 577,8 миллион теңге несие тартылған. Шағын және орта бизнесті дамыту мақсатына үшінші тоқсанда 7 367,7 миллион теңге (оның 71,5 пайызы қысқа мерзімді несие) бөлінген.  

 Бүгінгі таңда аймақтық банктердің  депозит көлемі соңғы тоқсанда 19 405,7 миллион теңгені құраған, өсім екінші тоқсанмен салыстырғанда 10,4 пайызға жоғары.

 Салтанатты жиын барысында жылдың үздік қаржыгерлеріне құттықтау хаттар мен бағалы сыйлықтар табысталып, ән мен биден шашу шашылды.