22 Наурыз 2009, 15:41

Жұқпалы аурулардың алдын алу шаралары талқыланды

ҚЫЗЫЛОРДА. Наурыздың 22-сі. ҚазАқпарат /Руслан Игілік/ – Қызылордада өңірде кездесетін аса қауіпті жұқпалы аурулардың алдын алу, мамандардың білімін жетілдіру мақсатында Қызылорда обаға қарсы күресу стансысының ұйымдастыруымен "Аса қауіпті жұқпалы аурулардың алдын алу" атты аймақтық семинар-кеңес өтті. Семинар жұмысына ОМСЭҚБ, ОДСД басшылары, Жамбыл, Шымкент, Арал обаға қарсы күресу стансыларының мамандары қатысты, деп хабарлайды ҚазАқпарат тілшісі. Қазіргі таңда Республика бойынша карантиндік және аса қауіпті жұқпалы аурулардың эпидемиологиялық жағдайы алаңдатушылық тудырып отыр. Еліміздің 7 аймағы, соның ішінде Қызылорда облысы оба ауруының табиғи ошағында орналасқан. Әсіресе, Арал аумағы обаның ең белсендігі артқан өңірге жатады. 2008 жылы Қызылорда обаға қарсы күресу стансысы мамандары 75200 шаршы шақырым жерді зерттеп, нәтижесінде 1300 шаршы шақырым жерде серологиялық әдіспен оба эпозоотиясын тіркеген. Жасыратыны жоқ, Оңтүстік Қазақстан облысынан тырысқақ және өзге жедел ішек ауруларының тасымалдану әрекеті сейілмей келеді. Ол сол жерлерден көкөніс, бақша өнімдерін әкелушілер арқылы таралуда. Көптеген ауылдық жердегі елді мекен, аудан және облыс орталығында ауыз су проблемасы толық шешілмеген. Әлі күнге облыста сарып жағдайларының тіркелуі жалғасуда. Конго-Қырым қанды безгегі мен күйдіргі жағдайы күрделі күйінде қалуда. Осылардың алдын алу мақсатында өткізілген басқосуға қатысқан Қазақ карантиндік және зооноздық індеттер ғылыми орталығының қызметкерлері мамандарды заманауи үлгідегі ПЦР технологиясының жұмыс жасау жүйесімен таныстырды. Кеңеске қатысушылар өзара пікір алысып, өз ойларын ортаға салды.

Қате таптыңыз ба? Белгілеп, CTRL+ENTER басыңыз

Сондай-ақ... оқыңыз

Пікір қалдыру

Аты:
Кодты енгізіңіз:*

Код тізім есебімен енгізіледі

Көп оқылғандары

Түркия елшісі Қазақ-Түрік лицейлеріне қатысты пікір білдірді
Еділ Сүлейменов парамен ұсталардан бір күн бұрын «соңғы» баяндамасын жасаған
Гавайидағы атқылаған жанартаудан төгілген лава мұхитқа жетті (ВИДЕО)
Білім министрлігі мектепте смартфонға тыйым салуға қатысты пікір білдірді
Рим Папасы месса кезінде шалынып, құлады (ВИДЕО)
КЕРЕК КЕҢЕС: Денім сау болсын десеңіз, мінезді түзеңіз
БҚО-да малдәрігерлік шараларға 789,66 млн. теңге бөлінді
Алматы мен Астананың ақша айырбастау пункттерінде доллар бағамы 359 теңгеге жетті

АЛМАТЫ. ҚазАқпарат - Бүгін Алматы мен Астана қалаларының ақша айырбастау пункттерінде Қазақстан қор биржасының күндізгі сессиясынан кейін, доллардың сатылу бағамы 1 АҚШ доллары үшін 359 теңгеге жетті. kurs.kz және valuta.kz. порталдары осындай деректер келтірді.

Пікір білдірілген мақалалар