21 August 2013, 14:06

«Нұр Отан» партиясының жаңа доктринасы халық арасында кеңінен талқыланады - Б.Байбек

АСТАНА. 21 тамыз. ҚазАқпарат - Келесі аптада партияның жаңа доктринасы халықтың талқысына салынады. Бұл туралы бүгін журналистерге сұхбат берген «Нұр Отан» Халықтық демократиялық партиясы төрағасының бірінші орынбасары Бауыржан Байбек мәлім етті.

Оның айтуынша, осы уақытқа дейін арнайы жұмыс тобының аясында аталған құжат жан-жақты талдаудан өтті. «Былайша айтқанда, бұл доктрина партиямыздың Конституциясы іспеттес. Онда Тәуелсіздіктің басты құндылықтары көрсетілген. Бүгінде ол құжат дайын. Келесі аптада оның жобасы басылым беттерінде және партияның ресми сайтында жарияланады. Сол кезде ол халық арасында кеңінен талқыланатын болады», - деп атап көрсетті Б.Байбек.

Айта кетейік, ағымдағы жылы 18 қазан күні «Нұр Отан» Халықтық демократиялық партиясының кезектен тыс съезі өтеді. Онда партияның жаңа доктринасы қабылдануы тиіс.

 Tags: «Нұр Отан» партиясы
Did you find a mistake? Highlight it and click CTRL+ENTER

Read also

Декларация тапсыруға міндетті тұлғалардың 70 пайызы оны жеңілдетілген тәртіппен тапсырады

АСТАНА. ҚазАқпарат - Бүгін Мәжілісте «Нұр Отан» партиясы Фракциясының кеңейтілген жиналысы өтіп, онда «Қазақстан Республикасында кірістер мен шығыстарға жалпы салықтық декларациялауды енгізу» мәселесі талқыланды. 

User name:
Enter code:*