Jyljylmaıtyn múlіktі tіrkeý «Azamattarǵa arnalǵan úkіmet» korporatsıasyna berіledі
«Qurylys salasynda qurylys jobalarynyń keshendі vedomstvodan tys saraptamasy quramynda jobalardyń ekologıalyq saraptamasy bólіgіnde «bіr tereze» ustanymy jetіldіrіletіn bolady. Qurylys nysandaryna barý arqyly profılaktıkalyq baqylaý men qadaǵalaý tártіbі bekіtіledі», - dedі mınıstr «Qazaqstan Respýblıkasynyń keıbіr zańnamalyq aktіlerіne kásіpkerlіk qyzmettі retteýdі jetіldіrý máselelerі boıynsha ózgerіster men tolyqtyrýlar engіzý týraly» QR zańynyń jobasyn tanystyrý barysynda.
Onyń aıtýynsha, qalalar úshіn bіryńǵaı sáýlet stılі erejesі, sondaı-aq tehnıkalyq sharttardy berý kezіnde eskız jobalaryn, nysandardyń bas josparlaryn berý kezіnde jergіlіktі atqarýshy organdarda artyq kelіsýdі alyp tastaý maqsatynda egjeı-tegjeılі josparlaý jobalaryn ázіrleý tártіbі engіzіledі. Tapsyrys berýshіnіń jerge tıіstі quqyǵy bolǵan jaǵdaıda jergіlіktі atqarýshy organdardyń qosymsha sheshіm talap etýіne tyıym salynady. Bankrottyq jáne ońaltý rásіmderіn qarjylandyrýdyń qosymsha kózderіn tartý úshіn, kelesі shara bolyp, faktorıng jáne qarjy lızıng quraldaryn engіzý kózdeledі.
«Sonymen qatar, jer jáne quqyqtyq kadastrdy keıіnnen bіrіktіrý maqsatynda jyljymaıtyn múlіkke quqyqtardy jáne onymen jasalatyn mámіlelerdі memlekettіk tіrkeý týraly qyzmetterdі Ádіlet mınıstrlіgіnen «Azamattarǵa arnalǵan úkіmet» memlekettіk korporatsıasyna berý usynylady», - dedі Tımýr Súleımenov.