قاز ۇ ۋ- نىڭ عىلىمي زەرتتەۋلەر سانى ەكى ەسەگە ارتتى
اتالعان شارا بارىسىندا قاز ۇ ۋ عالىمدارىنىڭ عىلىمي- زەرتتەۋ جۇمىستارى تۋرالى ايتىلدى.
جۇمىس ناتيجەلەرىن قورىتىندىلاي كەلە، «Web of Science» جانە «Scopus» دەرەك قورلارىندا يندەكستەلەتىن حالىقارالىق باسىلىمدارداعى جاريالانىمدار سانى جىلدان جىلعا ءوسىپ كەلە جاتقاندىعى اتاپ ءوتىلدى. بۇل ەڭ الدىمەن عىلىمي زەرتتەۋلەر ساپاسىنىڭ ارتۋى مەن الەمنىڭ الدىڭعى قاتارلى ۋنيۆەرسيتەتتەرى مەن عىلىمي- زەرتتەۋ ورتالىقتارىمەن ىنتىماستىقتىڭ ارقاسى.
مىسالى، حالىقارالىق زەرتتەۋ توپتارىندا جۇمىس ىستەگەن قاز ۇ ۋ عالىمدارى ك. كۋراتوۆ پەن ۆ. زايبەرتتىڭ ەكى ماقالاسى «Science» جانە «Nature» اتتى ەڭ جوعارى يمپاكت- فاكتور كورسەتكىشتەرىنە يە بەدەلدى عىلىمي جۋرنالدارىندا باسىلىپ شىقتى. ايتا كەتۋ كەرەك، جوعارى رەيتينگىلىك باسىلىمدارداعى ءاربىر بەسىنشى قازاقستاندىق ماقالا - قازۇۋ عالىمدارىنىڭ ۇلەسى.
حيميا جانە حيميالىق تەحنولوگيا فاكۋلتەتىنىڭ پروفەسسورى گ. مۋن ينتەرپوليمەر كەشەندەرى عىلىمىنداعى تانىلعان كوشباسشى بولىپ تابىلادى. عىلىمي الەمدەگى بەدەلدى «Web of Science» اگەنتتىگىنىڭ مالىمەتى بويىنشا اتالمىش عالىم جانە ونىڭ شاكىرتى ۆ. حۋتوريانسكي وسى عىلىمي باعىت بويىنشا عالىمداردىڭ الەمدىك رەيتينگىسىندە ءبىرىنشى ورىنعا يە.
ءال-فارابي اتىنداعى قاز ۇ ۋ عالىمدارى الەمدەگى ۇقساستىعى جوق يننوۆاتسيالىق تەحنولوگيالاردى دامىتۋدا. وسىلايشا، رەكتور، اكادەميك ع. مۇتانوۆ باسقارعان عالىمدار توبى بەريلليي الۋدىڭ يننوۆاتسيالىق تەحنولوگيالارىن قۇردى جانە ءۇش ا ق ش پاتەنتىن يەلەندى.
قاز ۇ ۋ- دىڭ عىلىمي مەكتەبى تەوريالىق پلازما فيزيكاسى بويىنشا الەمدىك جەتىستىكتەرىمەن تانىمال اكادەميك ت. رامازانوۆتىڭ جەتەكشىلىگىمەن قاز ۇ ۋ عالىمدارى ازىرلەگەن تەڭدەۋلەر مەن مودەلدەر نەگىزىندە الەمنىڭ تانىمال ۋنيۆەرسيتەتتەرى بەيسىزىق پلازمالاردىڭ قاسيەتتەرى بويىنشا زەرتتەۋلەر جۇرگىزۋدە. مەكتەپ وكىلدەرىنىڭ عىلىمي ماقالالارىنا الەمنىڭ عالىمدارى تاراپىنان ءۇش مىڭ رەت سىلتەمە جاسالىنعان.
سوڭعى ءۇش جىلدا قاز ۇ ۋ- داعى عىلىمي زەرتتەۋلەر سانى ەكى ەسەگە ارتقاندىعىن اتاپ ءوتۋ قاجەت.