ەرتىس پەن ىلە سۋىن ءبولۋ تۋرالى قىتايمەن كەلىسىم ازىرلەنۋدە

استانا. قازاقپارات - ەرتىس پەن ىلە وزەندەرىنىڭ سۋىن ءبولۋ تۋرالى ق ح ر- مەن كەلىسىم جوباسى ازىرلەنىپ جاتىر. بۇل تۋرالى ماجىلىستە ترانسشەكارالىق وزەندەردىڭ سۋ رەسۋرستارىن پايدالانۋ تاقىرىبىنا ارنالعان دوڭگەلەك ۇستەل وتىرىسىندا ق ر اۋىل شارۋاشىلىعى ءبىرىنشى ۆيتسە- ءمينيسترى ارمان ەۆنيەۆ ءمالىم ەتتى،

 دەپ حابارلايدى قازاقپارات.

«2014 -جىلدان باستاپ قازاقستاندىق- قىتايلىق ترانسشەكارالىق وزەندەردىڭ بارلىق باسسەينى بويىنشا سۋ رەسۋرستارىن باعالاۋ تۇرعىسىندا تاراپتارمەن بىرلەسكەن زەرتتەۋلەر ءجۇرىپ جاتىر. قازىرگى ۋاقىتتى وسى تاقىرىپ اياسىندا تاراپتاردىڭ ساراپشىلارى بىرلەسكەن ەسەپتى ءتامامداۋعا جاقىندادى»، - دەدى ا. ەۆنييەۆ.

اتاپ ايتقاندا، قازاقستان ەكونوميكاسى سالالارى مەن اتالعان وزەندەر باسسەيندەرى ەكوجۇيەسى قاجەتتىلىكتەرىن ەسكەرە وتىرىپ، ترانسشەكارالىق وزەندەردىڭ سۋ رەسۋرستارىن ءبولۋ تۋرالى ق ح ر- مەن كەلىسىم جوباسىن ازىرلەۋ مەن كەلىسۋ باعىتىندا جۇمىس توبى بار.

قۇجات جوباسىنىڭ كەلىسىلگەن قۇرىلىمى 31 باپتى قامتىپ وتىر، ونىڭ ىشىندە التاۋى بويىنشا ۋاعدالاستىق بار، ال كەيبىرى ءىشىنارا كەلىسىلدى. جۇمىس توبىنىڭ كەزەكتى التىنشى وتىرىسى بيىلعى ساۋىرگە جوسپارلانعان.

ا. ەۆنييەۆتىڭ اتاپ وتۋىنشە، 2016 -جىلى گەوگرافيا ينستيتۋتى ترانسشەكارالىق وزەندەردە سۋ ءبولۋ ادىستەمەسىن دايارلادى. اتالعان ادىستەمە ترانسشەكارالىق وزەندەر رەسۋرستارى ۇلەسىن ايقىنداۋعا بايلانىستى سۋ ءبولۋ كەلىسسوزدەرىندە ەلدىڭ مۇددەسىن ساي كەلەتىن تالاپتاردى قويۋعا مۇمكىندىك بەرەدى.

اۆتور: رۋسلان عابباسوۆ