استانادان پاريجگە بىرەگەي ۆەلومارافونى وتەدى
«اناشىم» مۇگەدەك بالالار مەن جاستاردى قولداۋ قورى «رۋحاني جاڭعىرۋ» مەملەكەتتىك باعدارلاماسىنىڭ شەڭبەرىندە ماڭىزدى جانە وزەكتى «شەكاراسىز سپورت» الەۋمەتتىك جوباسىن جۇزەگە اسىرۋدا.
تامىز ايىندا زاعيپ جانە ناشار كورەتىن ۆەلوشاباندوزدار ءۇشىن ءۇشىنشى رەت وتكىزۋ جوسپارلانىپ وتىر.
«ۆەلومارافون پاتريوتتىق باستاما، موتيۆاتسيالىق پلاتفورما جانە باسقا ەلدەردىڭ قوعامدىق ۇيىمدارىمەن تاجىريبە الماسۋعا باعىتتالعان. بۇل الەمدە مۇگەدەكتىگى بار جانداردىڭ باسەكەگە قابىلەتتىلىگىن ارتتىرۋ بويىنشا ەرەكشە جوبا» ، دەدى «شەكاراسىز سپورت» جوباسىنىڭ جەتەكشىسى باحتيار بازاربەكوۆ.
ونىڭ سوزىنشە، ۆەلومارافون بىرنەشە الەۋمەتتىك جوبانى قامتيدى.
«ءبىز وسى جوبا اياسىندا مۇگەدەكتىگى بار جاندارعا تەڭ مۇمكىندىكتەر جاساۋدىڭ ماڭىزدىلىعىن كورسەتكىمىز كەلەدى جانە قوعامدى وياتقىمىز كەلەدى، قورشاعان ورتاداعى ماسەلەلەرگە بەي- جاي قاراماي، بارىنشا مۇمكىندىكتەردى كورسەتۋ، وزىنە جانە اينالا قورشاعان جاندارمەن پايدالى، جاعىمدى قارىم- قاتىناس قۇرۋ» ، دەدى ب. بازاربەكوۆ.
ايتا كەتۋ كەرەك، اكسيا جىل سايىن ءوز شەكاراسىن كەڭەيتۋدە. كوزى كورمەيتىن جانە ناشار كورەتىن ۆەلوشاباندوزدار كومانداسى ءقازىردىڭ وزىندە الماتى - استانا جانە الماتى - ىستىقكول باعىتىندا ەكى ۆەلومارافون وتكىزدى.
Baq.kz