يندونەزيادا جەزوكشەلەر مەن زينا جاساعاندارعا بۇكىل حالىقتىڭ الدىندا دۇرە سوعىلدى

 استانا. قازاقپارات - يندونەزيانىڭ اچەح ايماعىندا نەكەگە دەيىن جاقىنداسقان جانە جەزوكشەلىكپەن اينالىسقاندارعا دۇرە سوعىلدى.

جاقىندا عانا اتالعان ەلدە مۇنداي جازانى ەل الدىندا قولدانۋعا تىيىم سالعانىمەن، بۇل جايت مىڭداعان ادامنىڭ كوز الدىندا ءوربىدى.

بۇل تۋرالى Brinkwire باسىلىمىنا سىلتەپ Stan.kz اقپاراتتىق اگەنتتىگى حابارلايدى.

 

كورەرمەندەر اراسىندا مالايزيادان كەلگەن تۋريستەر دە بولعان. شەتەلدەن كەلگەن مەيماندار ايقاي- شۋعا ۇلاسقان كورىنىستى تاماشالاۋعا ءماجبۇر بولدى.

 

بۇل كۇنى ءۇش ەر ادام مەن بەس ايەل ادام جازالاندى. ولاردىڭ ىشىندە ستۋدەنتتەر دە بار. ولاردىڭ جاساعان قىلمىسى - ءدىني ەرەجەنى بۇزعاندىعى، ەلدىڭ كوزىندە سەزىمدەرىن بىلدىرگەنى، سونداي- اق، عالامتوردا سەكسۋالدىق سيپاتتا قىزمەت ۇسىنۋى.

 

يندونەزيا حالقىنىڭ باسىم بولىگى - مۇسىلماندار. الايدا اچەح - شاريعات زاڭدارى بويىنشا جازا قولداناتىن جالعىز مەكەن. مۇندا ادامدار قۇمار ويىن ويناپ، ىشىمدىك ىشكەنى ءۇشىن، سونداي- اق، نەكەگە دەيىن جاقىنداسىپ، ءبىرجىنىستى بايلانىسقا تۇسكەنى ءۇشىن اۋىر جازاعا تارتىلادى.

 

ءبىر قىزىعى، وسىدان ءدال ءبىر اپتاداي بۇرىن كونسەرۆاتيۆتىك پروۆينتسيا «قىلمىسكەرلەردى» جابىق تۇردە جازالاۋعا ۋادە بەرگەن. الايدا جاڭا زاڭنىڭ قاشان كۇشىنە ەنەتىنى بەلگىسىز. يندونەزيادا قۇدايعا سەنبەيتىندەر مەن وزگە ءدىن وكىلدەرى قارسى شىققاندىقتان، اتالعان زاڭ جوباسى قابىلدانعان بولاتىن.

 ادام قۇقىعىن قورعاۋشىلاردىڭ ايتۋىنشا، دۇرەمەن سوعۋ - ادامگەرشىلىككە جاتپايتىن ءىس. وتكەن جىلى يندونەزيا پرەزيدەنتى دجوكو ۆيدودو اچەحتە دۇرە سوعۋ جازاسىن قولدانباۋدى بۇيىرعان.