قازاقستان بەيجىڭدەگى ش ى ۇ سىرتقى ىستەر مينيسترلەرى كەڭەسىنىڭ وتىرىسىنا قاتىستى
دەپ حابارلايدى قازاقپارات ءتىلشىسى ق ر سىرتقى ىستەر مينيسترلىگىنىڭ باسپا ءسوز قىزمەتىنە سىلتەمە جاساپ.
«بەيجىڭدە وتكەن كەزدەسۋدە ءۇندىستان، قازاقستان، قىتاي، قىرعىزستان، پاكىستان، رەسەي، تاجىكستان جانە وزبەكستان سىرتقى ىستەر مينيسترلەرى ش ى ۇ ساياسي، ەكونوميكالىق جانە گۋمانيتارلىق سالالارداعى بولاشاق قىزمەتى مىندەتتەرىن، چيڭداۋ دەكلاراتسياسىنىڭ جوبالارىن جانە ۇيىمنىڭ اعىمداعى قىزمەتى تۋرالى ءبىرقاتار شەشىمدەردى قاراستىردى»، - دەپ حابارلادى مينيسترلىك.
سونىمەن بىرگە، وتىرىس قاتىسۋشىلارى حالىقارالىق جانە ايماقتىق كۇن تارتىبىندەگى وزەكتى ماسەلەلەر بويىنشا پىكىر الماسىپ، 2017 -جىلدىڭ ماۋسىم ايىندا استانادا وتكەن ش ى ۇ سامميتىندە قول جەتكىزىلگەن ۋاعدالاستىقتاردى ىسكە اسىرۋ بارىسىن قارادى.
ق ر سىرتقى ىستەر ءمينيسترى قايرات ءابدىراحمانوۆ ش ى ۇ- عا مۇشە ەلدەردىڭ كولىكتىك مارشرۋتتارىنىڭ اۋقىمدى جۇيەسىن ەسكەرە وتىرىپ، ازىق- تۇلىك قاۋىپسىزدىگىن قامتاماسىز ەتۋ، اۆتوموبيل جولدارى مەن تەمىرجولداردى دامىتۋ ماسەلەسىنىڭ وزەكتى ەكەنىن اتاپ ءوتتى.
سونداي- اق، ول قازاقستاننىڭ ش ى ۇ ىسكەرلىك كەڭەسى مەن ش ى ۇ بانك ارالىق بىرلەستىگىنىڭ مينيسترلىك كەزدەسۋلەر مەن جۇمىس توپتارىنىڭ كەڭەيتىلگەن ىنتىماقتاستىعىنا قوسىلۋىن قولدايتىنىن جەتكىزدى جانە ساۋدا- ەكونوميكالىق سالادا قابىلدانعان قۇجاتتاردى تۇگەندەۋدى جۇرگىزۋدى، ولاردى ودان ءارى ىسكە اسىرۋدى ۇسىندى.
كەزدەسۋ قارساڭىندا دەلەگاتسيالار باسشىلارى قىتاي حالىق رەسپۋبليكاسىنىڭ ءتوراعاسى شي جينپيڭمەن كەزدەستى. وندا قىتايلىق تاراپتىڭ ش ى ۇ- نى دامىتۋدى ەلدىڭ سىرتقى ساياساتىنىڭ باسىمدىقتارىنىڭ ءبىرى رەتىندە قارايتىنىن جانە باسقا مەملەكەتتەرمەن بىرلەسە وتىرىپ، ساياسي سالادا ءوزارا قولداۋ كورسەتۋگە، ايماقتاعى تۇراقتىلىققا، «بىر بەلدەۋ جانە ءبىر جول» باعدارلاماسى اياسىندا ىنتىماقتاستىقتى تەرەڭدەتۋ مەن گۋمانيتارلىق الماسۋعا دايىن ەكەنى ايتىلدى.
قازاقستان بەيجىڭدەگى شىۇ سىرتقى ىستەر مينيسترلەرى كەڭەسىنىڭ وتىرىسىنا قاتىستى
اۋدارما: ايجان سەرىكجان قىزى