بيولوگتار تىشقاندارعا ادامنىڭ ميىن سالدى

 استانا. قازاقپارات - امەريكالىق عالىمدار تىشقاندارعا ادامنىڭ مي جاسۋشاسىن سالىپ، ولاردىڭ ارەكەتىن باقىلادى.

زەرتتەۋ جۇمىسىنىڭ ناتيجەسى Nature Biotechnology جۋرنالىنا جاريالاندى، دەپ حابارلايدى Baq.kz اقپارات اگەنتتىگى ria.ru سايتىنا سىلتەمە جاساپ.

بيولوگتار ادام ميىنىڭ بۇرشاق كولەمىندەي عانا ورگانويدتارىن تۇتىكشەدە ءوسىرىپ، تىشقانداردىڭ باسىنا سالدى. ۋاقىت وتە كەلە كىشكەنتاي مي بىرتىندەپ تىشقانداردىڭ ءوز ميىنىڭ قىزمەتىن الماستىرا باستادى. ناتيجەسىندە جۇيكە جۇيەسى دامىپ، 233 كۇن وتكەننەن كەيىن مي قۇرىلىمى مەن دامۋ دەڭگەيى جاڭا تۋعان بالانىڭ ميىمەن بىردەي بولدى.

ادام ميى سالىنعان تىشقانداردىڭ ادەتتەگى تىشقانداردان ايىرماشىلىعى بولماعان. باستاپقى ۋاقىتتا ولاردىڭ ەستە ساقتاۋى دامىپ، ودان كەيىن توقتاپ قالعان.

عالىمدار زەرتتەۋ قورىتىندىسى رەگەنەراتيۆتى مەديتسينادا ريەۆوليۋتسيا جاساۋى مۇمكىن ەكەنىن ايتادى: مي جاسۋشالارىن ءوسىرىپ، ونى ادام ميىن يمپلانتاتسيالاۋعا قولدانۋعا بولادى.

 

Baq.kz