شاحانوۆ: قانشا ەلدە بولدىم، ءدال مۇقاعاليدىڭ تۋعان جەرىندەي دارحان اۋىلدى كورگەن ەمەسپىن

استانا. قازاقپارات - مۇحتار شاحانوۆ امان تاسىعاننىڭ Talk like باعدارلاماسىندا قوناقتا بولىپ، سوڭعى كەزدە ەل تالقىسىنا تۇسكەن پىكىرى جايىندا ءتۇسىندىرىپ بەردى.

شاحانوۆ مۇقاعاليدىڭ بيىك اقىن بولىپ قالا بەرەتىنىن ايتا كەلە، ونىڭ جەرلەستەرىنىڭ جومارتتىعىنا، دارحاندىعىنا تاڭعالعانىن جاسىرمادى.

«قاي ءبىر جىلى مۇقاعاليدىڭ مەرەيتويىنا بايلانىستى تۋعان جەرىنە كەزدەسۋگە باردىق. ءار وڭىردەن 700-دەي ادام جينالىپتى. قوناقۇيدە 30-40 شاقتى عانا ورىن بار ەكەن. سوندا اۋىل تۇرعىندارى سول 700 ادامدى ءبولىپ، ءۇيدى-ۇيىنە قوناق ەتتى. مۇقاعالي اقىن ءۇشىن زور قۇرمەت كورسەتتى. ءبىز دە ءبىر ۇيگە تۇستىك. ول ءۇيدىڭ جالعىز قويى بار ەكەن. سونى سويىپ بەردى. بارلىق اۋىل ادامدار قوناقتاردى وسىلاي كۇتكەن. قانشا ەلدى، جەردى ارالاپ ءجۇرىپ ءدال مۇقاعاليدىڭ اۋىلىنداي دارحان اۋىلدى، جومارت جانداردى كورگەن ەمەسپىن. كەيىن وسى ويىمدى ولەڭگە ارقاۋ ەتتىم»، - دەيدى شاحانوۆ.