قازاقستان اۋعانستاندا بولعان تەراكتىلەردى ايىپتادى

None
None
استانا. قازاقپارات - ق ر سىرتقى ىستەر مينيسترلىگى 2018-جىلى 21-22- ساۋىردە اۋعانستاندا بولعان تەرروريستىك اكتىگە بايلانىستى مالىمدەمە جاسادى، دەپ حابارلايدى «قازاقپارات».

«قازاقستان 2018-جىلى 21-22- ساۋىردە اۋعانستاندا بەيبىت ادامداردىڭ ءومىرىن قيعان تەرروريستىك اكتىنى قاتاڭ تۇردە ايىپتايدى»، - دەپ جازىلعان ق ر س ءى م مالىمدەمەسىندە.

سونداي-اق، وندا اۋعان حالقى حالىقارالىق ارەناداعى لاڭكەستىك ارەكەتتەرگە كەزەكتى رەت قارسى تۇرعانى ايتىلعان.

«لاڭكەستەردىڭ ماقساتى - اۋعانستانداعى سايلاۋ قارساڭىندا جاعدايدى تۇراقسىزداندىرۋ. حالىقارالىق تەرروريستىك ۇيىمداردىڭ اسكەرلەرى كابۋل ەلىنىڭ ىشكى ساياسي جاعدايدى تۇراقتاندىرۋعا باعىتتالعان كۇش-جىگەرىنە كەدەرگى جاساي المايتىندىعىنا ءبىز سەنىمدىمىز» دەلىنگەن حابارلامادا.

ودان بولەك، مالىمدەمەدە قازاقستان تەرروريزمنىڭ بارلىق ءتۇرىن ايىپتايتىنى جانە الەمدىك قوعامداستىقتىڭ وسى زۇلىمدىققا قارسى كۇرەسىن قولدايتىنى جازىلعان.

«ءبىز وسىنداي ادامگەرشىلىككە جاتپايتىن ارەكەتتەردىڭ ۇيىمداستىرۋشىلارى مەن قولداۋشىلارىن انىقتاپ، قاتاڭ جازالاۋ كەرەك دەپ ەسەپتەيمىز. اۋعانستان حالقىنا جانە ۇكىمەتىنە جانە زارداپ شەككەندەردىڭ تۋىستارىنا قايعىرىپ كوڭىل ايتامىز»، - دەپ مالىمدەدى ق ر س ءى م.

سوڭعى جاڭالىقتار