12:55, 24 - ءساۋىر 2018 | GMT +6
توعىز بالانىڭ اكەسى ءومىر بويى بەلسىز بولعانىن كەزدەيسوق بىلگەن
استانا. قازاقپارات - ماروككولىق پروفەسسور ايەلىمەن 35 جىل تاتۋ-ءتاتتى عۇمىر كەشكەن. وسى كەزەڭدە ەرلى-زايىپتىلاردىڭ توعىز بالاسى تۋعان.
ادەتتەگى كەزەكتى ءبىر مەديتسينالىق تەكسەرىس كەزىندە پروفەسسور ءوزىنىڭ ءومىر بويى بەلسىز بولعانىن بىلگەن. جىنىس مۇشەسىندە وسكەن ەتكە بايلانىستى تولىق تەكسەرۋ جۇرگىزگەن ۋرولوگ دارىگەر وعان ونىڭ ءومىر بويى بەلسىز بولعانىن حابارلاعان.
ەر ادام بۇعان سەنە الماعان. ول سودان كەيىن ءبىر ەمەس، بىرنەشە ەمحانادا تەست تاپسىرىپ، سوڭعى ەلۋ جىلدا بالا ءسۇيۋى مۇمكىن بولماعانىنا كوز جەتكىزگەن. سودان كەيىن ايەلىن كوزىنە ءشوپ سالعانى ءۇشىن ايىپتاپ، اجىراسۋعا ارىز بەرگەن. بارلىق بالالارىنان دا باس تارتپاق. سوتتا ونىڭ دۇرىستىعىن دالەلدەيتىن مەديتسينالىق دالەلدەر تولىقتاي جينالعان.
ماروككودا ەرلى-زايىپتىلاردىڭ كوزىنە ءشوپ سالۋى اۋىر قىلمىس سانالادى. ەگەر بىرەۋى كىنالى دەپ تانىلسا تۇرمەگە جابىلادى.
دەرەككوز: فاكتى