ق ر ۇكىمەتى الماتى وبلىسىندا جاڭادان قۇرىلعان ەكى اۋداننىڭ شەكارالارىن بەكىتتى

استانا. قازاقپارات - ق ر ۇكىمەتىنىڭ قاۋلىسىمەن الماتى وبلىسىنداعى كەگەن جانە رايىمبەك اۋداندارىنىڭ شەكارالارى بەكىتىلدى، دەپ حابارلايدى قازاقپارات.

ق ر پرەمەر-ءمينيسترى باقىتجان ساعىنتايەۆتىڭ 2018-جىلدىڭ 16- ساۋىرىندەگى قاۋلىسى «ەگەمەن قازاقستان» گازەتىندە جاريالاندى.

وعان سايكەس، رايىمبەك اۋدانىنىڭ اۋماعى 711937 گەكتاردى قۇرايدى. شەكارالارى:

سولتۇستىك شەكاراسى الماتى وبلىسىنىڭ شالكودە، سۇمبە جانە ۇزاق باتىر اۋىلدىق وكرۋگتەرىنىڭ اكىمشىلىك باعىنىسىنداعى اۋماقتاردىڭ قولدانىستاعى شەكارالارى بويىنشا وتەدى جانەۇيعىر اۋدانىمەن شەكتەسەدى؛

شىعىس شەكاراسى سۇمبە، نارىنقول جانە جامبىل اۋىلدىق وكرۋگتەرىنىڭ قولدانىستاعى شەكارالارى بويىنشا جانە قىتاي حالىق رەسپۋبليكاسىمەن شەكتەسەتىن سۇمبە، تەكەس وزەن ارنالارى بويىنشا وتەتىن قازاقستان رەسپۋبليكاسىنىڭ مەملەكەتتىك شەكاراسى ارقىلى وتەدى؛

وڭتۇستىك شەكاراسى سولتۇستىك تيان-شياننىڭ «حان ءتاڭىرى» شىڭى ارقىلى قىتاي حالىق رەسپۋبليكاسىمەن جانە قىرعىز رەسپۋبليكاسىمەن شەكتەس جامبىل اۋىلدىق وكرۋگىنىڭ وڭتۇستىك- شىعىس بولىگى، سونداي-اق تەگىستىك جانە قاقپاق اۋىلدىق وكرۋگتەرىنىڭ قولدانىستاعى شەكارالارى بويىنشا وتەتىن قازاقستان رەسپۋبلتيكاسىنىڭ مەملەكەتتىك شەكاراسى ارقىلى وتەدى؛

باتىس شەكاراسى الماتى وبلىسىنىڭ رايىمبەك اۋدانىنىڭ «نارىنقول ورمان شارۋاشىلىعى» كوممۋنالدىق مەملەكەتتىك مەكەمەسىنىڭ اۋماعى ارقىلى قاقپاق جانە سارىجاز اۋىلدىق وكرۋگتەرىنىڭ قولدانىستاعى شەكارالارى بويىنشا وتەدى.

ال كەگەن اۋدانىنىڭ اۋماعى 710298 گەكتار بولىپ بەكىتىلدى. شەكارالارى:

سولتۇستىكتە الماتى وبلىسىنىڭ العاباس، ساتى، ۇزىنبۇلاق اۋىلدىق وكرۋگتەرىنىڭ قولدانىستاعى شەكارالارى ارقىلى الماتى وبلىسىنىڭ ەڭبەكشىقازاق جانە تالعار اۋداندارىمەن شەكتەسەدى؛

شىعىس شەكاراسى الماتى وبلىسى رايىمبەك اۋدانىنىڭ «نارىنقول ورمان شارۋاشىلىعى» كوممۋنالدىق مەملەكەتتىك مەكەمەسىنىڭ اۋماعى ارقىلى قاقپاق جانە سارىجاز اۋىلدىق وكرۋگتەرىنىڭ قولدانىستاعى شەكاراسى بويىنشا وتەدى؛

وڭتۇستىك شەكاراسى قازاقستان رەسپۋبليكاسىنىڭ قارقارا، بولەكساز، شىرعاناق، جالاڭاش، قارابۇلاق، ساتى اۋىلدىق وكرۋگتەرىنىڭ قولدانىستاعى شەكارالارى ارقىلى وتەتىن قىرعىز رەسپۋبليكاسىنىڭ مەملەكەتتىك شەكاراسى بويىنشا وتەدى؛

باتىس شەكاراسى الماتى وبلىسى قاراساي اۋدانىمەن شەكتەسەتىن ساتى جانە العاباس اۋىلدىق وكرۋگتەرىنىڭ قولدانىستاعى شەكاراسى بويىنشا وتەدى.

قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.

ەسكە سالايىق، 2018-جىلدىڭ 2- ءساۋىرى كۇنى الماتى وبلىسىنىڭ رايىمبەك اۋدانىن ءبولۋ جولىمەن رايىمبەك جانە كەگەن اۋداندارىن قۇرۋ تۋرالى ەلباسى نۇرسۇلتان نازاربايەۆتىڭ قاۋلىسى شىققان بولاتىن.

كەگەن اۋدانىنىڭ اكىمشىلىك ورتالىعى - كەگەن اۋىلىندا، رايىمبەك اۋدانىنىڭ اكىمشىلىك ورتالىعى نارىنقول اۋىلىندا ورنالاسادى.

8- ساۋىردە اتالعان ەكى اۋداننىڭ اكىمدەرى تاعايىندالدى.