اتىراۋدا دينارا سادۋاقاسوۆانىڭ شاحمات مەكتەبى اشىلادى
دينارا اتىراۋ قالاسىنىڭ ەڭ ۇزدىك، جوعارى ساناتى شاحماتشىلارىنا شەبەرلىك ساباعىن وتكىزدى.
كەزدەسۋگە اتىراۋ وبلىسىنىڭ اكىمدىگى مەن ق ر تۇڭعىش پرەزيدەنتى - ەلباسى قورىنىڭ وكىلدەرى جانە وبلىستىق جاستار ساياساتى ماسەلەلەرى باسقارماسىنىڭ وكىلدەرى قاتىستى.
كەزدەسۋگە كەلگەندەرگە دينارا ءسادۋاقاسوۆا «شاحماتتىڭ العاشقى قادامدارى» اتتى كىتابىن سىيعا تارتتى.
«قازاقستاننىڭ بولاشاعى - ينتەللەكتۋالدى دامىعان، سانالى جاستاردى قولداۋدان باستالادى. اتىراۋ وبلىسىنداعى كەزەكتى كەزدەسۋدىڭ شاحماتتى ناسيحاتتاۋدىڭ تابىستى جولدارىنىڭ ءبىرى بولارىنا سەنەمىن»، - دەيدى الەم چەمپيونى دينارا ءسادۋاقاسوۆا.
دينارا ءسادۋاقاسوۆانىڭ شاحمات اكادەمياسىنىڭ فيليالى بيىل اشىلادى دەپ جوسپارلانىپ وتىر. بۇل مەكتەپ از قامتىلعان وتباسىلاردان شىققان بالالارعا ارنالعان تەگىن ساباقتار وتكىزەدى.
«ءبىز ارىپتەستەرىمىزبەن ءبىرىنشى ايماقتىق شاحمات مەكتەبىن اتىراۋ وبلىسىندا اشامىز دەپ شەشتىك. بۇل وبلىس، ەۋروپادان قازاقستانعا جانە ورتالىق ازياعا سالىنعان جول. باتىستىڭ بيزنەس استاناسىنان باستاپ، شاحمات ويىنىن ەلىمىزدىڭ باسقا تۇكپىرلەرىنە جەتكىزۋگە ءۇمىتتىمىن!» - دەپ اتاپ كەتتى يۋنيسەفتىڭ قازاقستانداعى ىزگى نيەتتى ەلشىسى.
ايتا كەتەلىك، كەزدەسۋدى دينارا ءسادۋاقاسوۆا اتىنداعى شاحمات اكادەمياسى، تۇڭعىش پرەزيدەنت قورى جانە اتىراۋ قالاسىنىڭ اكىمدىگى ۇيىمداستىرىدى.